Hopp til toppmenyen på siden Hopp til hovedinnholdet på siden
A A A

Skogfond

Alle skogeigarar må setje av middel i eit skogfond. Fondet gir pengar tilbake til skogeigarane til berekraftig investering og forvaltning av skogen.

Tenesteomtale

Som skogeigar har du plikt til å avsetja midlar til eit skogfond. Dette fungerer som ei tvungen fondsavsetning slik at du sjølv kan bruka dei midlane som er avsette til seinare investeringar på eigedommen din. Du får pengane utbetalt når du har gjort investeringar som er godkjende for bruk av skogfond. Ved utbetaling får du delvis skattefritak, med unntak av utbetaling som skal gå til å dekkja meirverdiavgift. Skogfondsmidlar kan brukast til
  • skogkulturtiltak, som planting og ungskogpleie  
  • nybygging og ombygging av skogsvegar, og dessutan ombygging av velteplassar  
  • vedlikehald av skogsbilvegar og velteplassar  
  • miljøtiltak, som pleie av kantsoner i skog   
  • skogbruksplanlegging      
  • bioenergianlegg og -utstyr for varmeleveranse      
  • forsikring av skog      
  • kursavgift og kursmateriell for kurs knytt til drifta til skogen     
  • oppmerking av eigedomsgrenser i samband med jordskifte  
  • dekkja meirverdiavgift knytt til dei aktuelle tiltaka.

Målgruppe


Kriterium/vilkår

For at skogfondsmiddel skal kunne utbetalast, må du ha gjort investeringar i eigen skog. Investeringane og tiltaka må vere fagleg, økonomisk og økologisk forsvarlege og ikkje i strid med regelverket.

Pris for tenesta


Samarbeidspartnarar


Rettleiing - korleis få utført
eller motta tenesta

Du sender eit refusjonskrav om utbetaling av skogfondsmidlar (inkludert utbetaling for eige arbeid) til kommunen. 
 
For å registrera refusjonskrav digitalt må du vera registeret som bruker i Skogfondsystemet. Viss du ikkje har tilgang til systemet, må du registrera deg som ny brukar.  
 
Til søknaden skal du leggja ved vedlegg som dokumenterer investeringstiltaka du har gjennomført.

Vedlegg

Kvitteringar og fakturaer for utgifter som du ønskjer å få dekt.

Saksbehandling

Kommunen behandlar refusjonskravet, gjer vedtak og legg godkjent beløp til godkjenning i systemet.

Saksbehandlingstid

Kommunen skal behandle saka så snart som mogleg. Dersom saka ikkje kan avgjerast innan éin månad, skal du ha skriftleg melding om grunnen til det. Du skal samstundes få opplyst når ein ventar at vedtaket blir gjort.

Høve til å klage

Dersom du er misnøgd med vedtaket, kan du klage til kommunen innan ein frist på tre veker frå du tok imot det. Forklar kva du er misnøgd med og kvifor du meiner at vedtaket bør endrast. Dersom du treng rettleiing, kan du vende deg til kommunen. Dersom kommunen lèt vedtaket stå, blir saka send vidare til statsforvaltaren, som avgjer om klagen skal bli teken til følgje.

Tjenesten oppdatert: 13.03.2025 16:16